Borð Borås

BORÅS borðið er slitsterkt borð sem þolir vel krefjandi umhverfi skólanna. Það er prófað og vottað samkvæmt staðli EN 1729 en það er evrópskur staðall fyrir húsgögn sem eru sérstaklega hönnuð fyrir menntastofnanir. Ferhyrnd borðplatan er gerð úr hápressuðu viðarlíki og því einstaklega endingargóð. Hún er auðveld í þrifum og þolir vel allflest þau efni sem hugsanlega geta sullast niður á hana. BORÅS borðið passar fullkomlega inn í skapandi umhverfi kennslustofunnar. Borðið nýtist einnig mjög vel í mötuneytum.

Ávalar brúnir gefa borðinu mýkra yfirbragð og koma í veg fyrir að börnin meiði sig. Borðplatan liggur á lakkaðri stálundirstöðu með fætur úr sterkum stálrörum. Hægt er að setja hæðarstillanlega fætur undir og auka þannig bæði notkunarmöguleika borðsins og möguleikana á að stilla borðið á ójöfnum fleti. Stillanlegir fætur eru seldir sér.