Borð Borås

BORÅS borðið er sterkbyggt borð sem þolir vel krefjandi umhverfi skólanna. Það er prófað og vottað samkvæmt stuðli EN 1729 en það er evrópskur staðall fyrir húsgögn sem eru sérstaklega hönnuð fyrir menntastofnanir.

Ferhyrnd borðplatan er gerð úr harðpressuðu viðarlíki og er mjög slitsterk. Hún er auðveld í þrifum og þolir vel allflest þau efni sem hugsanlega geta sullast niður á hana. Við BORÅS borðið geta börnin leyft sköpunargáfunni að njóta sín. Það nýtist einnig mjög vel í mötuneytum.

Borðplatan hefur duftlakkaðar stálundirstöður og eru grindin og fæturnir gerðir úr sterkum stálrörum. Hægt er að setja hæðarstillanlega fætur undir borðið og fjölga þannig notkunarmöguleikum þess og stillanlega tappa undir fæturna þannig að borðið haldist stöðugt á ójöfnum gólfflötum.