Borð Borås

BORÅS borðið er sterkbyggt borð sem þolir vel krefjandi umhverfi skóla og leikskóla. Það er prófað og vottað samkvæmt EN 1729 staðlinum, en það er evrópskur staðall fyrir húsgögn sem eru sérstaklega hönnuð fyrir menntastofnanir. Ferhyrnd borðplatan er gerð úr harðpressuðu viðarlíki og er mjög slitsterk. Hún er auðveld í þrifum og þolir vel allflest þau efni sem hugsanlega geta sullast niður á hana. Við BORÅS borðið geta börnin leyft sköpunargáfunni að njóta sín. Það nýtist einnig mjög vel í mötuneytum.

Borðið er með duftlakkaðar stálundirstöður og grindin og fæturnir eru gerð úr sterkum stálrörum. Hægt er að setja hæðarstillanlega fætur undir borðið og fjölga þannig notkunarmöguleikum þess og stillanlega tappa undir fæturna þannig að borðið haldist stöðugt á ójöfnum gólfflötum. Stillanlegir fætur og tappar eru seldir sér.