Smáhólfaskápur

Hágæða skápar með hólfum, gerðir úr duftlökkuðu plötustáli. Duftlökkunin gefur þeim rispuþolið og endingargott yfirborð sem þolir mikla og daglega notkun. Umgjörðin er gerð úr 0.7 mm þykku stáli og hurðin úr 0.8 mm þykku stáli. Skáparnir eru sérstaklega hentugir til að geyma persónulega muni á vinnustöðum, líkamsræktarstöðvum, sýningarsölum og öðrum almenningssvæðum. Hurðirnar eru sérstyrktar og með gúmmídempara þannig að þær lokast mjúkt og hljóðlega. Loftræstigöt í botni og toppi veita góða loftræstingu og hleypa út raka.

Veldu á milli fjölda aukahluta og settu saman margar einingar til að búa til sérsniðna geymslulausn! Skáparnir eru afhentir án læsingar, sem gerir þér kleift að velja þá læsingu sem hentar þínum þörfum best.

Sílinderlæsing hentar vel ef aðeins einn aðili á að nota skápinn. Hespulás eða talnalás er góður kostur ef hætta er á að notendur tapi lyklinum sínum. Hengilás er hægt að fá aukalega til að nota á hespulásinn. Við mælum með að hengilásar séu notaðir ef margir þurfa að nota skápana, til dæmis í líkamsræktarstöðvum og almenningssundlaugum. Sambland læsinga getur verið góð lausn ef að margir þurfa aðgang að læstum hólfum. Þetta er sérstaklega hentugt ef skáparnir eru notaðir á vinnustað og ekki fyrir persónulega geymslu.

Hægt er að setja undir fataskápana mismunandi undirstöður. Sökkull hjálpar til við að koma í veg fyrir að fólk gleymi hlutum undir skápnum. Fætur lyfta allri einingunni frá gólfinu sem auðveldar þrif. Þetta er sérstaklega hentugt í umhverfi sem krefst mikils hreinlætis. Bekkur, með eða án skóhillu, hentar mjög vel fyrir búningsklefa.